شاركونا : الإسراف في الفطور

عند الإفطار الصفرة معبية بكل ما لذ وطاب ،، تقعد تشوف ومش عارف شن تختار

تبدأ بالمحشي ولا بالشربة أو البراك أو اللحم أو المشروب أو الصلاطة

هههههه ،، ساعة وانت تفكر شن تاكل

هل هذا نوع من الإسراف ؟

كيف نقللوا من ماكلتنا ؟

لو فكرنا شوي بس ......

الفقراء كيف مدايرين في أيامهم العادية ؟

ما بالك في الصيام .........

نبيكم تشاركوني الحوار بكل موضوعية ...

كل واحد يخلي كلمة أو جملة تعبر عن رأيه ...

فلنبدأ الحوار ....

هيــــــــا .......

......................

فعلاً خوي سراج موضوعك في غاية الأهمية

فلنتذكر قول الله تعالى : (( وكلو واشربوا ولا تسرفوا إنه لا يحب المسرفين ))

لما ناكلوا ونشربوا لازم نفكر في فقراءنا

وما زلت أقول : الحمدلله الذي أوجب علينا فريضة الزكاة

صح لسانك خوي سراج
تاخذ وقت وانت تفكر شن تاكل

ليش هذا !!!!!

من كثرة الأكل ... ومن الغريب كان معادش نبو ناكلو نرمو الأكل في القمامة ..

ليش ما نقدرو الكمية اللي ناكلوها في الفطور وما فيش داعي للإسراف الزايد

ربي أعلم بحالنا يا شباب

أني نقول لو الواحد فينا يدور شوية بس عن الفقراء والمساكين يلقى واجدين

المشكلة ان الاسراف عادة مشت فينا

كيف بنصلحو غيرنا ما صلحناش انفسنا

كل واحد ينصح أمه وأخته وخالته وعمته

أني نقول هكي كويس ،،، لأن الشباب ما دخلهم في الموضوع

المشكلة أن البلوى عمت كل ديار المسلمين

مش في ليبيا ولا في مصر ولا في السعودية

بس لازم تنتبهوا أن في رجال يغصبو في زوجاتهم انهم يكثرو من الاكل خاصة كان فيه معازيم

وانتم عارفين طبعا

ربي يستر وخلاص
اللهم اهدنا يارب

في صح رجال يغصبو في زوجاتهم وعينهم ما تشبع

بس حكاية المعازيم هذه بدون شك ،، لأن الصفرة مش حلوة بدون إسراف

لكن التقليل من الاسراف أكيد أفضل

التوازن هو الحل

أنا عن نفسي نطيب وخلاص
لكن اللي نطيبوا فيه ناكلوا فيه إما في الفطور أو في السحور أو تعشو بيه في الليل

الحمدلله ما في حد يغصب فينا

أهم شي التوازن في التطييب وفي كل شي

والله هذا كله من ولي الأمر ،، ولي أمر البيت
الأب والأخ والأم والأخت
الكل لازم يتكاثفو

عند الإفطار الصفرة معبية بكل ما لذ وطاب ،، تقعد تشوف ومش عارف شن تختار

تبدأ بالمحشي ولا بالشربة أو البراك أو اللحم أو المشروب أو الصلاطة

هههههه ،، ساعة وانت تفكر شن تاكل

هل هذا نوع من الإسراف ؟

،،،،،،،،،،،،،،،،،،،، فعلا هذا نوع من الاسراف خوي سراج

الترشيد والتقليل من التطييب ،،

سبحان الله هذا هو الحل برأيي

الآباء والأمهات هم المسؤولين

موضوع شيق

التوازن كيف ما قالو الاخوان

بارك الله فيكم ع الموضوع

ادعو لعدم الاسراف والتوسط

الله الله يا اخوان في أكلكم وشرابكم

الحمدلله الذي فرض الزكاة
حتى لا ننسو الفقراء

اللهم الطف بحالنا وقلل من إسرافنا

يارب تب علينا
يا اخوان ،، الإسراف مصيبة حلت بنا

الا فاتقوا الله يا عباد الله

اللهم أبعد عنا الإسراف في حياتنا

مشكلتنا ما نشبعو بسرعة

ناكلو بلا حسبان

السراج المنير كتب:: عند الإفطار الصفرة معبية بكل ما لذ وطاب ،، تقعد تشوف ومش عارف شن تختار

تبدأ بالمحشي ولا بالشربة أو البراك أو اللحم أو المشروب أو الصلاطة

هههههه ،، ساعة وانت تفكر شن تاكل ،، مشكلة

هل هذا نوع من الإسراف ؟ نعم

كيف نقللوا من ماكلتنا ؟ بالاعتدال

لو فكرنا شوي بس ......

الفقراء كيف مدايرين في أيامهم العادية ؟ حالتهم مؤسفة

ما بالك في الصيام .........

......................

مشكلة ان في فقراء ومساكين وايتام ما يقدرش حد يوصل فيهم

حياكم الله جميعا

بارك الله فيكم على مشاركاتكم

مازال نقول يا اخوان لو ان كل واحد يقتصد في ماكلته يوفر عليه حاجات واجدة

مشكووور

غريب ردك يا منتصر كله بــ (( مشكووور))
نتمنى انك تتفاعل اكثر يا منتصر

» النهي عن الإسراف في المال والماء والكهرباء