الي بكاي مايخش

1/انكانك اتريدى لجــــــر ... قولى قديم و ابكيلى اشوى
2/امعى يا ارقاق العـــزم ... يقسم قديم قولن يالله
3/انظر العين ترجا فيش .... تعاقب الليل او ما بكت
4/الدار او عزيــــــــز او نا ... اجرك عظيم يا باكيلهن
5/اللى افزعه غير ادموع ... مالفايظ انجينى انسلفه
6/اطريها عزيز اهذلـــــت ... الها زمان عينى ما بكت
7/انهاب فالبكا واحملت.... واوحلت نين رديت على البكا
8/اللى اهلبك فى لوهام ....تبكى عليه يا عين لامته
9/كريت الغطا او بكيت ... بشويش نين فضيت خاطرى
10/غنوه ما نصبتى نوع ....انريد ايش لاهيك ع البكاء
11/العقل فى النهار ايدوج ......وفى الليل ميعاد البكاء
12/انكابر بكيت بكيت.... الوقت دارني راس حاجته
13/العين حايسه على العقل .......تبكى اتقول ودينى لهم
14/مفجوع كل يوم افقد ... مخلوق للبكا نا قيسني
15/انفيك دمع عالاولاف ... قجيه مو ظروي اتشاورى

بارك الله فيك أخي بالجودة دائما متميز

ياريت الي يدخل الموضوع يشارك بي شتاوي

مرات العين ايصدنها ....... تبكي نين ايقولوا كنها
نحسابك يالعين سكتي ....... تاريتك لليل اتوتي
فيه اوقات العين ايجنها ....... تضايق لين ايبكنها